Павлодарда курьер жігіт оқушыны ізіне түскен бейтаныс адамнан құтқарып қалды

Павлодарда ер адам оқушының ізіне түсіп, оған шабуылдамақшы болды. Алайда курьер күдікті ер адамды дер кезінде тоқтатып қалды, деп хабарлайды Orda.kz Halyqstan telegram арнасына сілтеме жасап. 

Бұл жағдай 19 наурыз күні сағат 16:00 шамасында болған. 2016 жылғы мектеп оқушысы үйіне келе жатқанда, оны ересек адам ұстап алады. Ер адам куәгерлерге оқушының өз баласы екенін айтып, өзін ерсі ұстаған. 

Сол мезетте курьер келіп, жағдайдың дұрыс еместігін байқайды. Ол оқушыға көмектескісі келіп, ер адам мен курьер арасында төбелес басталып кетеді. Курьер баланың соңына түскен ер адамды қуып жіберді. 

Полиция бейнебақылау камераларындағы жазбаны тексеріп, ер адамның оқушыны аңдығанын мәлімдеді. Ол ұсталды. Ер адамның денсаулығында психикалық ауытқу бары анықталды.