Өзен арнасын заңсыз тарылту салдарынан Алматы іргесіндегі Бесағаш ауылын су басты

2025 жылдың 25 наурызында жауын-шашынның салдарынан Қотырбұлақ өзені арнасынан асып, Бесағаш ауылындағы жеті аула мен медициналық пунктті су басты, деп хабарлайды Orda.kz.

Алматы облысы Төтенше жағдайлар департаментінің баспасөз қызметінің алдын ала мәліметі бойынша, судың жайылуына өзен арнасын заңсыз тарылту себеп болған.

«Тұрғындар өзен арнасының бойына рұқсатсыз қоршаулар мен отырғыштар орнатқан, бұл су ағынының өткізу қабілетін төмендеткен. Қазір су тасқыны тоқтатылды, бұзушылықтарды анықтау және өзен арнасының табиғи өткізу қабілетін қалпына келтіру жұмыстары жүргізіліп жатыр, деп түсіндірді департамент.

Тасқын салдарын жою және одан әрі су басуының алдын алу үшін Талғар ауданының Төтенше жағдайлар басқармасы жергілікті атқарушы органдармен бірлесіп, су басқан үйлерге баратын арықтар мен суару жүйесін тереңдетіп жатыр.

Жұмысқа Алматы облысы Төтенше жағдайлар департаменті мен жергілікті атқарушы органдардың 15-ке жуық жеке құрамы, бес техника, екі мотопомпа қатыстырылды.

Бұған дейін Су ресурстары және ирригация министрі Нұржан Нұржігітов Қазақстанның қай өңірлері қызыл аймаққа еніп, еріген қар суынан тасқын жүру қаупі бар екенін ескерткен болатын.