«Отты жақпадың»: Жолдасының аяғына мылтықпен оқ атқан аңшы ұсталды

Алматы облысында аңшы отты дұрыс жақпағаны үшін жолдасымен жанжалдасып, мылтықпен аяғынан атып жіберген бейнежазбасы әлеуметтік желіде тарап кетті, деп хабарлайды Orda.kz.

Тарап кеткен бейнежазбада ер адамның екінші адамды балағаттап, аяғына оқ атқаны көрінеді. Анықталған мәліметтерге сүйенсек, отты дұрыс жақпағаннан жанжал шыққан. 

Алматы облысының полиция департаментінің баспасөз қызметі күдіктінің ұсталып, қамауға алынғанын хабарлады.

«Қасақана орташа ауырлықтағы денсаулыққа зиян келтіру фактісі бойынша тергеу жүргізіліп жатыр. Алдын ала болжам бойынша, қақтығыс себебі ер кісілер арасындағы жанжал»,  деп жазылған мәлімдемеде.

Еске сала кетсек, Алматыда өз әйелін сойылмен аяусыз ұрған адам ұсталған болатын.