Оңтүстік Кореяда қазақстандық жұмысшы қаза тапты

Сыртқы істер министрлігі Қазақстан азаматының Оңтүстік Кореяда жұмыс орнында қайтыс болғанын растады.

«Қазір біз туыстарымен байланысып, барлық қажетті құжаттарды дайындап жатырмыз» деді СІМ.

Оңтүстік Кореяның Yonhap басылымының хабарлауынша, 30 жастағы қазақстандық Чонгеуптегі шыны өндіру зауытында балғамен, бұрғымен жұмыс істеп жатқан кезде көз жұмды. Анықталғандай, ол есінен танып, жүрегі тоқтап, ауруханаға жеткізіліп, ауруханада қайтыс болды.

«Жұмыспен қамту және еңбек министрлігі мен полиция оны электр тоғы  соғуынан қайтыс болды деп есептейді, оқиғаның нақты себебі анықталып жатыр... А мырза жұмыс істеген жер жазалау туралы заңмен қарастырылған жұмыс орны болған» деп нақтылады басылым.