«Олимпиада-2024»: Назым Қызайбай жартылай финалда сүрінді

Қазақстандық боксшы Назым Қызайбай 2024 жылғы Олимпиада ойындарының жартылай финалында жеңіліп, қола медаль иегері атанды.

Бұл туралы Ұлттық Олимпиада комитеті хабарлады.

50 килограмм салмақ дәрежесінде өткен жартылай финалда Назым Қызайбай қытайлық қарсыласы У Юмен жекпе-жекке шығып, 1:4 есебімен жеңілді.

Қызайбайдың табанды күресіне қарамастан, ол Олимпиаданы қола медальмен аяқтады. Бұл нәтиже финалдан үміт күткен жанкүйерлер үшін үлкен соққы болды.

Енді Қазақстанның бокстағы барлық үміті Олимпиада финалына жеткен Нұрбек Оралбайда болып отыр. Ол 80 килограмм салмақ дәрежесінде украиндық Александр Хижнякпен «алтын» үшін күреседі.