«Оған еш қатысым жоқ»: Берденов Шымкенттегі бас сәулетшінің ұсталуына қатысты пікір білдірді

Альфия Адамбек
cover Коллаж: Orda.kz

Шымкент әкімінің орынбасары Руслан Берденов кеше, 14 тамыз күні ұсталған Шымкент қаласының бас сәулетшісіне қатысты пікір білдірді. Ол «Арман Әбдешов Берденовтің адамы» деген ақпаратты жоққа шығарды, деп хабарлайды Orda.kz. 

Шымкент қалалық сәулет және қала құрылысы басқармасының басшысы Арман Әбдешов ұсталғаннан кейін әлеуметтік желіде «күдікті Руслан Берденовтің адамы» деген ақпарат тарады. Алайда әкімнің орынбасары әріптесімен ешқандай байланысы жоқ екенін айтты. 

«Шымкент қаласының сәулет және қала құрылысы басқармасының бұрынғы басшысы Арман Әбдешовке қатысты кейбір дереккөздер таратқан ақпаратты жоққа шығарамын. Оның «менің адамым» екендігі жөніндегі кез келген мәлімдемелердің ешқандай негізі жоқ. Менің оған еш қатысым жоқ. Ол бұл лауазымға мен әкімдікке келгенге дейін тағайындалған. БАҚ өкілдері мен арна авторларын жариялар алдында деректерді мұқият тексеріп, халықты адастырмауға шақырамын» деп жазды Берденов. 

Айта кетейік, Арман Әбдешов бөтеннің мүлкін иемденді деген күдікке ілінген.

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері