Нығматулин тергеу басталмай тұрып Қазақстаннан кеткен – Антикор

Арғын Нығматулин Қазақстанда тергеу басталғанға дейін елден кетті, деп хабарлайды Orda.kz.

Антикор Арғын Нығматулин Қазақстанда тергеу басталғанға дейін елден кеткенін мәлімдеді.

«Біз оның Қазақстанда жоқ екенін білеміз – тергеу басталмай тұрып-ақ елден кеткен. Ол қазір Қазақстанда емес. Оны іздеп, елге қайтару шаралары жүргізілуде», – деп мәлімдеді Антикор төрағасының орынбасары Дархан Құрақбаев.

Сыбайлас жемқорлыққа қарсы қызметтің мәліметінше, Арғын Нығматулин мемлекеттің қаржысын жымқырды деген айыппен халықаралық іздеуге жарияланған. Егер оның кінәсі дәлелденсе, мүлкі тәркіленіп, жеті жылдан 12 жылға дейін бас бостандығынан айырылуы мүмкін.

Сонымен қатар, мәжілістің экс-спикері Нұрлан Нығматулиннің егізі, сенаттың бұрынғы депутаты Ерлан Нығматулинге қатысты бопсалау фактісі бойынша қылмыстық іс қозғалды. Бас прокуратура бұл істі тергеп жатқанын ресми түрде растады.