Мүфти: «Никаб киюге тыйым салынады»

Ресейдегі Дағыстан Республикасының мүфтиі алдағы уақытта никаб киюге тыйым салатынын хабарлады. 

Бұл туралы Дағыстандағы мұсылмандардың бас мүфтиі Ахмад-Афанди Абдулаев мәлімдеді.

Ресейде никаб киюге тыйым салу мәселесі осы жылдың көктемінде басталды. Мамыр айындағы бұл шешімге қатысты президент жанындағы Адам құқықтары жөніндегі кеңес басшысы Валерий Фадеев экстремизм қатерін ескере отырып өз пікірін білдірген болатын. 

«Қазір тіпті Орта Азияның кейбір елдерінде де никабқа тыйым салынады», — деді Фадеев.

Ал Мәскеу мүфтиі Ильдар Аляутдинов Фадеевті қолдайтынын жеткізді.

Еске сала кетейік, Өзбекстанда қоғамдық орындарда бет-жүзі көрінбейтін киімдерді киюге тыйым салынған болатын.