Мұрат Әбділдә бостандыққа шықты

Түркістан облысының танымал блогері Мұрат Әбділдә әлеуметтік араздық тудырғаны үшін түрмеге қамалған болатын. Бүгін шартты түрде мерзімінен бұрын босап шықты, деп хабарлады Orda.kz.

Адвокаттары сүйінші жаңалықты әлеуметтік желілеріне жариялады.

Ол Kaznet-те мас кезінде түсірген тікелей эфирлері және мемге айналған бейнежазбалары арқылы танымал болды.

Алайда оның анайы сөздері мен мас болып істеген әрекеттерін құзырлы органдар құқық бұзушылық деп таныды. Блогер бұрын екі рет жауапқа тартылған, бірақ сот оған кешірім жасаған болатын. Үшінші рет оған әлеуметтік араздық қоздырды деп 4 жыл 6 ай бас бостандығынан айыру жазасы тағайындалды.

Сонымен қатар, блогер алкогольмен күресу үшін мәжбүрлі емделуден өтті.