Министр Аида Балаева Сөз бостандығын қорғау қорының президентімен фейктердің таралуын талқылады

Мәдениет және ақпарат министрі «Әділ сөз» сөз бостандығын қорғау халықаралық қорының президенті Қарлығаш Жаманқұловамен кездесті, деп хабарлайды Orda.kz порталы.

Олар «жалған ақпараттың таралу қаупі және қоғамдағы ақпараттық қауіпсіздікті қамтамасыз ету» мәселелерін талқылады. Балаева ProTenge арнасына қатысты жағдайға түсініктеме берді.

Ол туралы Orda.kz порталы алдыңғы жаңалықтарда жазған болатын.

«ProTenge Telegram арнасында Қазақстан Республикасы Сыртқы істер министрлігі Азаттық радиосының тілшілеріне аккредитация бермегені немесе ұзартпағаны туралы ақпарат жарияланды. Оған депутаттар бастамашы болған «Бұқаралық ақпарат құралдары туралы» заң жобасына енгізілген жаңа түзетулер себеп болып отыр. Бұл жалған ақпарат тарату фактісі. 
Біріншіден, парламент қабылдамаған, мемлекет басшысы қол қоймаған заң жобасы бойынша мемлекеттік орган аккредиттеуден қалай бас тарта алады? Екіншіден, уәкілетті органдардың ресми ақпаратына сәйкес, бас тартуға сол кездегі қолданыстағы аккредиттеу ережелерінің бұзылуы себеп болған.
Қайталап айтамын, жалған ақпарат тарату фактілері бойынша одан әрі құқықтық баға беру және барабар шара қолдану ішкі істер органдарының құзырында», - деді министр Аида Балаева. 

Жиынға қатысушылар жалған жаңалықтармен күресте бірлескен күш-жігер қажеттігін атап өтті.