Мектепте Мұқағалиді оқымадым: Ақынға тіл тигізген блогерді сотқа күштеп әкеледі

cover Фото: Orda.kz

Алматы қаласында Наурызбай аудандық сотында ақын Мұқағали Мақатаевты боқтаған блогерге қатысты кезекті сот отырысы өтті, деп хабарлайды Orda.kz

Еске сала кетейік, былтыр 8 қазанда блогер Әлішер Теменов әлеуметтік желіде Мұқағалиды сорлы еркек деп әлемге жар салды. Мұқағали Мақатаевты былапыт сөздермен қорлап өзінің әлеуметтік парақшасына бейнежазба жариялады.

 

Әлішер Теменовке қатысты Қылмыстық Кодекстің 131-бабы 2-тармағы «Қорлау» фактісі бойынша қылмыстық іс қозғауды сұраған. Қылмыстық істі Алматының Наурызбай аудандық сотында судья Бейнегүл Қайсина қарап жатыр.

22 мамыр күніне белгіленген кезекті сот отырысына айыпталушы блогер Теменов келмеді. Марқұм Мұқағалидің ұлы Жұлдыз Мақатаев блогердің бұл ісін ұятсыздық деп атады. Блогер тіпті судьяның көмекшісінің телефон қоңырауын көтеріп келмеген себебін түсіндірмеді. 

Судья Бейнегүл Қайсина айыпталушы Теменовке қатысты сотқа күштеп алып келу туралы шешім шығарды. 

Ақынның ұлы Жұлдыз ағамыздың айтуынша блогер кешірім сұрап келмеген. Бірақ блогердің әкесі ақынның туған жеріне барып халықтан кешірім сұраған деседі. 

Youtube-та Әлішер Теменовтің Қарасазға келіп кешірім сұраған бейнежазбасы бар. 

Жәбірленуші тараптың қорғаушысының айтуынша блогердің адвокатының қылмыстық іске қатысуға лицензиясы жоқ. Ол жай заңгер. 

Келесі сот отырысы 27 мамырға белгіленді. 

Жаңалықтар

барлық жаңалықтар