LRT жобасына тағы 66 млрд теңге бөлінеді

Астанадағы даулы LRT жобасына республикалық бюджеттен тағы 66 млрд теңге қарастырылды, деп хабарлайды Orda.kz.

Бюджет жобасында «Астана қаласының жаңа көлік жүйесі (LRT)» бағыты бойынша бұл қаражат тек қосылған құн салығын төлеуге жұмсалатыны көрсетілген. Қала әкімдігі мен көлік министрлігі бұл ақпаратты растады.

«66 млрд теңге республикалық бюджеттен LRT жобасы бойынша ҚҚС төлеуге бөлінеді. Бұл қаражат кейін сол салық түрінде қайтадан республикалық бюджетке түседі»,  деп мәлімдеді қала әкімдігі.

Яғни, мемлекет қаржыны бір шоттан екіншісіне аударып, кейін оны салық ретінде қайта қабылдайды.

Айта кетсек, Астана LRT жобасындағы қаржы жымқыру ісі бойынша халықаралық іздеуде болған Талғат Ардан жуырда Түркияда ұсталды.