Литвада 4 америкалық әскер қаза тапты

25 наурыз күні Литвада тактикалық жаттығулар кезінде M88 шынжыр табанды брондалған эвакуациялық машинаға мінген 4 әскери қызметкер жоғалып кетті, деп хабарлайды Orda.kz. 

Дереу іздеу-құтқару жұмыстары жүргізілді. Іздеу операцияларын Литва мен АҚШ әскери күштері, Литва әуе күштері мен шекара қызметінің тікұшақ мінген қызметкерлері жүргізді. 

Алдын ала мәліметтер бойынша, экипаж маршруттан ауытқып, сулы-батпақшы жерге кіріп кеткен болуы мүмкін. Кейінірек 4 әскеридің денесі табылды. Жоғалған әскери қызметшілер бірінші бригаданың үшінші жаяу әскер дивизиясының жауынгерлері екені айтылды. 

26 наурызда Варшаваға сапармен келген НАТО-ның бас хатшысы Марк Рютте сарбаздардың қайтыс болғанын растады. Жағдайдың қалай болғаны егжей-тегжейлі айтылмады.