Қытай әлемдегі алғашқы 6G-чипін таныстырды

Пекин мен Гонконг университеттерінің зерттеушілері секундына 100 гигабиттен жоғары деректер беру жылдамдығын қамтамасыз етуге қабілетті әмбебап 6G-чипін ұсынды, деп хабарлайды Orda.kz Nature журналындағы жарияланымға сілтеме жасай отырып.

Әзірлеудің басты артықшылығы - жиіліктердің барлық спектрінде, оның ішінде ауылды мекендер үшін өзекті диапазондарда жұмыс істеу. Бүгінде 5G-ден спутниктік байланысқа дейінгі түрлі технологиялар - шашыраңқы жиіліктер қолданылады. Жаңа чип бұл айырмашылықты жойып, жаппай 6G-ге жақындатуы керек.

Авторлардың есептеуінше, инновация, мысалы, 50 гигабайттық 8K фильмді бірнеше секундта жүктеуге мүмкіндік береді. Бұл алыс өңірлерде қашықтықтан оқыту, бизнес және цифрландыру үшін жаңа мүмкіндіктер ашады.

Былтыр Қазақстан мобильді  интернет жылдамдығының әлемдік рейтингінде 23 сатыға көтерілді.

Жыл басында Speedtest интернет-сауалнама сервисі әлем бойынша интернет жылдамдығын бағалады.  2024 жылдың желтоқсан айы рейтингін жарияланды. Рейтинг бойынша, мобильді интернет жылдамдығы бойынша бірінші орынды БАӘ иеленді, ал соңғы, яғни 110-шы орынды — Ауғанстан алды.  Қазақстан 57-ші орынға  Испания мен Жапония арасында орналасты.

Сәуір айында Huawei China Unicom-мен ынтымақтастықта Хэбэй провинциясының Сюньань ауданында  10G алғашқы кең жолақты желісін іске қосты.