Күні кеше бостандыққа шыққан Боранбаев бизнесінде қиындықтар барын айтты

Жақында ғана абақтыдан босап шыққан Қайрат Боранбаев журналистердің сауалына жауап берді, деп хабарлайды Orda.kz порталы.
Паралимпиада ойындарына дайындық орталығында Қайрат Боранбаев өзінің бизнесіне қатысты сұрақтарға жауап берді.

«Қайрат» футбол клубы  - жалғыз жеке клуб. Иә, жарнама мен барлық демеуші компанияның құйғаны бар. Барлық компания жұмыс істейді. Шынымды айтсам, компанияларға жұмыс істеуге рұқсат берілгеніне ризамын. Біздің холдинг - басқарушы компания. Бізде барлық бизнес жұмыс істейді. Иә, проблемалар бар, бұл - қалыпты жағдай, бәрінде де проблемалар бар шығар», - деді Боранбаев.

Сонымен қатар Қайрат Боранбаев  McDonald's фастфуд желісін Қазақстанға қайтарғысы келетінін де тілге тиек етті.

«McDonald’s Қазақстанға оралғысы келсе оны ойластырамыз. Бұл бренд Қазақстанда танымал. Сегіз жыл ішінде көп нәрсені үйрендік, арнайы стандарттарды сақтадық. Әрине, McDonald’s Қазақстанға оралғанын қалар едік, ол үшін аздаған уақыт қажет», - дейді Қайрат Боранбаев.