Қазақстанда газ өндіру 60 миллиард текше метрге дейін ұлғайтылмақ

2024 жылы Қазақстан 60 миллиард текше метрден астам газ өндіруді жоспарлап отыр – бұл көрсеткіш энергетика министрлігі жасаған болжамды баланста көрсетілген.

Энергетика министрлігінің мәліметінше, ведомство QazaqGaz-тың қатысуымен 2030 жылға дейінгі болжамды газ балансын жасаған. Оған сәйкес, 2024 жылдың соңына дейін елімізде жалпы көлемі 60 миллиард 456 миллион текше метр газ өндіру жоспарлануда.

Салыстыру үшін, 2023 жылы Қазақстанда 59 миллиард 63 миллион текше метр газ өндірілді, оның 11,8 миллиардтан астамы Қашағанда, 16 миллиардтан астамы Теңізде және 22,4 миллиардқа жуығы Қарашығанақта өндірілді. Бұл үш кен орны республикадағы жалпы газ өндірудің 85 пайызын қамтамасыз етеді.

«2024 жылға тауарлық газ өндіру жоспары 28 млрд 54 млн текше метр болды. Болжамдық газ балансы бойынша ағымдағы ішкі тұтыну 2024 жылы 20,9 млрд текше метрді құрайды» деп хабарлады энергетика министрлігі.

Наурыз айының соңында Қазақстан газ құбырын салу жобасын жүзеге асыру үшін Катар инвесторларынан көмек сұрағаны белгілі болды. Бұл жоба еліміздің оңтүстік және солтүстік өңірлеріндегі газ тапшылығы мәселесін батыс облыстардан тасымалдау арқылы шешуге мүмкіндік береді.