Қазақстан Президенті Қасым-Жомарт Тоқаевтың қатысуымен өткен Қытайдағы Шанхай ынтымақтастық ұйымы саммитінде жиырма құжатқа қол қойылды

Қытайда өткен Шанхай ынтымақтастық ұйымы (ШЫҰ) мемлекет басшылары кеңесінің отырысы барысында Қазақстан Президенті Қасым-Жомарт Тоқаевтың қатысуымен жиырма құжатқа қол қойылды, деп хабарлайды Orda.kz Ақорданың  баспасөз қызметіне сілтеп. 

Қытайда ШЫҰ саммиті басталды. Ол  «Шанхай рухын ілгерілету: ШЫҰ іс-қимылы» ұранымен өтуде. Тяньцзинге оған 20-дан астам елдің көшбасшылары келді, оның ішінде Қазақстан президенті Қасым-Жомарт Тоқаев, Ресей президенті Владимир Путин, Үндістан премьер-министрі Нарендра Моди (ол саммитке жеті жыл ішінде алғаш рет келді) және Иран президенті Масуд Пезешкиан бар.

Мемлекет басшылары кеңесінің отырысында қол қойылған құжаттар тізімі төмендегідей:

1.      Шанхай ынтымақтастық ұйымына мүше мемлекеттер басшылары кеңесінің Тяньцзинь декларациясы;

2.      Шанхай ынтымақтастық ұйымына мүше мемлекеттер басшылары кеңесінің Шанхай ынтымақтастық ұйымына мүше мемлекеттер басшылары кеңесінің отырысының қорытындысы бойынша құжаттарды бекіту туралы шешімі:
– Шанхай ынтымақтастық ұйымын 2035 жылға дейін дамыту стратегиясы;
– 2026-2030 жылдарға арналған Шанхай ынтымақтастық ұйымы кеңістігінде экстремистік идеологияға қарсы іс-қимыл бойынша мүше мемлекеттердің ынтымақтастық бағдарламасы;
– 2030 жылға дейінгі энергетикалық ынтымақтастықты дамыту стратегиясын іске асыру жөніндегі жол картасы;

3.      Лаос Халықтық Демократиялық Республикасына Шанхай ынтымақтастық ұйымының диалог бойынша серіктесі мәртебесін беру туралы шешім;

4.      Шанхай ынтымақтастық ұйымының Тәуелсіз Мемлекеттер Достастығы жанындағы бақылаушы мәртебесін алуы туралы шешім;

5.      «Шанхай ынтымақтастық ұйымының серіктесі» мәртебесін бекіту туралы шешім;

6.      Қырғыз Республикасының Чолпон-Ата қаласын 2025-2026 жылдары Шанхай ынтымақтастық ұйымының туристік және мәдени астанасы деп жариялау туралы шешім;

7.      ШЫҰ Бас хатшысының келесі құжаттарға қол қоюына өкілеттік беру туралы шешім:
– Шанхай ынтымақтастық ұйымы Хатшылығының Қытай Халық Республикасындағы болу шарттары туралы ШЫҰ мен Қытай Халық Республикасы Үкіметі арасындағы 2004 жылғы 17 маусымдағы келісімге хаттама;
– ШЫҰ Хатшылығы мен «Росконгресс» қоры арасындағы өзара түсіністік туралы меморандум;

8.      Шанхай ынтымақтастық ұйымының өткен жылдағы қызметі туралы есептерді бекіту туралы шешім:
– Шанхай ынтымақтастық ұйымы Бас хатшысының ұйым қызметі туралы есебі;
– 2024 жылғы ШЫҰ Аймақтық лаңкестікке қарсы құрылымының қызметі туралы кеңестің есебі;

9.      ШЫҰ-ға мүше мемлекеттер арасындағы Шанхай ынтымақтастық ұйымының Есірткіге қарсы орталығы туралы келісім;

10.  ШЫҰ-ға мүше мемлекеттер арасындағы қауіпсіздікке төнетін қатерлер мен сын-тегеуріндерге қарсы тұру бойынша әмбебап орталық құру туралы келісім;

11.  Екінші дүниежүзілік соғыстың аяқталуының 80 жылдығына және Біріккен Ұлттар Ұйымының құрылуына байланысты ШЫҰ мемлекет басшылары кеңесінің мәлімдемесі;

12.  Цифрлық экономика саласындағы ынтымақтастықты нығайту туралы ШЫҰ мемлекет басшылары кеңесінің мәлімдемесі;

13.  Энергетиканың орнықты дамуы бойынша ынтымақтастық туралы ШЫҰ мемлекет басшылары кеңесінің мәлімдемесі;

14.  «Жасыл» өнеркәсіп саласындағы ынтымақтастық туралы ШЫҰ мемлекет басшылары кеңесінің мәлімдемесі;

15.  Жасанды интеллект саласындағы халықаралық ынтымақтастықты одан әрі тереңдету туралы ШЫҰ мемлекет басшылары кеңесінің мәлімдемесі;

16.  Көпжақты сауда жүйесін қолдау туралы ШЫҰ мемлекет басшылары кеңесінің мәлімдемесі;

17.  Әлемдік есірткі мәселесін тиімді шешу және онымен күрес жүргізу туралы ШЫҰ мемлекет басшылары кеңесінің мәлімдемесі;

18.  Ғылыми-техникалық және инновациялық ынтымақтастық туралы ШЫҰ мемлекет басшылары кеңесінің мәлімдемесі;

19.  Тұрақты даму саласындағы инвестициялық ынтымақтастықты нығайту туралы ШЫҰ-ға мүше мемлекеттердің уәкілетті министрліктері мен ведомстволары басшыларының мәлімдемесі;

20.  ШЫҰ мен Қытай Халық Республикасы Үкіметі арасындағы ШЫҰ Хатшылығының Қытайдағы болу шарттары туралы 2004 жылғы 17 маусымдағы келісімге хаттама.

30 тамызда Президент Қасым-Жомарт Тоқаев Шанхай ынтымақтастық ұйымының саммитіне қатысу үшін Тяньцзинь қаласына келді.