Қазақстан мен Ұлыбритания әскери ынтымақтастық туралы келісімге келді

2025–2026 жылдарға арналған әскери ынтымақтастық жоспары бекітілді, деп хабарлайды Orda.kz.

Құжат екі елдің қорғаныс ведомстволары арасындағы өзара іс-қимылдың негізгі бағыттарын айқындайды.

Қол қою рәсімі Лондонда Қазақстан Қорғаныс министрлігі аппаратының басшысы полковник Ербол Құмарбекұлы бастаған қазақстандық делегацияның ресми сапары аясында өтті.

Ведомство мәліметінше, тараптар қазіргі мәселелермен қатар әскери әріптестікті дамыту бойынша болашақ қадамдарды талқылады. Негізгі назар бітімгершілік қызметке, тілдік даярлыққа және қазақстандық офицерлерді Ұлыбританияның әскери академияларында оқытуға аударылды.

«Іс-шара қорытындысы бойынша Қазақстан Республикасының Қорғаныс министрлігі мен Ұлыбритания және Солтүстік Ирландия Біріккен Корольдігінің Қорғаныс министрлігі арасында 2025–2026 жылдарға арналған Әскери ынтымақтастық жоспарына қол қойылды» деп жазылған хабарламада.