Қазақстан мен Франция әуе апатын тергеу саласында ынтымақтасады

Елдер тәжірибе алмасып, авиациялық оқиғаларды бақылау жүйесі мен мониторингін жетілдіру бойынша бірлесіп жұмыс істеуге келісті.

Парижде тиісті келісімді Қазақстан көлік министрлігі мен Францияның азаматтық авиация қауіпсіздігін тергеу және талдау бюросы жасады. Құжат әуе кемелері апаттарын тиімді және жан-жақты тергеуді, талдауды және әрекет етуді қамтамасыз етуі тиіс.

«Ынтымақтастық әуе кемелері апаттарын тергеу жүйесін жетілдіруге бағытталған және рейстер мен жолаушылардың қауіпсіздік деңгейін арттыруға көмектеседі» делінген Көлік министрлігінің хабарламасында.

Осыған дейін неміс компаниясы Алматыда ұшақ өндірісін бастауды жоспарлап отырғаны хабарланған болатын.