Қазақстан Макаомен екі апталық визасыз режим туралы келісімге қол қойды

Қазақстанның Қытайдағы елшісі Шахрат Нұрышев пен Қытай Халық Республикасының Макао арнайы әкімшілік аймағының әкімшілік және әділет хатшысы Чонг Вэн Чонг 14 күнге дейінгі мерзімге визалық талаптардан өзара босату туралы үкіметаралық келісімге қол қойды.

Бұл туралы сыртқы істер министрлігі хабарлады.

Құжат ішкі мемлекеттік рәсімдер аяқталғаннан кейін күшіне енеді.

«Келісім екі тарап арасындағы сауда-экономикалық, мәдени-гуманитарлық және туристік ынтымақтастықты дамытуға қосымша серпін береді» деп атап өтті министрлік.