«Каспийдің» қаражатын кім жымқырды?

«Каспий» футбол клубының бұрынғы басшысы мен оның екі сыбайласына бопсалады әрі қаражатты жымқырды деген айып тағылуда, деп хабарлайды Orda.kz.

Маңғыстау облысының прокуратурасы бопсалау мен қатар клубтың өзінен миллиондаған қаражат ұрланғанын мәлімдеді. Orda.kz тілшісі істің егжей-тегжейін анықтады. Бізге берген мәліметінде клубтың қазіргі басшысы Нұржан Жалғасбаев ұрлықтың 2023 жылы болғанын растады. 

««Каспий» футбол клубының атынан ресми түрде мәлімдейміз. Соңғы жаңалықтар 2023 жылғы оқиғаларға қатысты, олар 2024 жылғы маусымға еш қатысы жоқ. Клуб қалыпты режимде жұмысын жалғастыруда. Егер шындыққа жанаспайтын ақпараттарға тап болсаңыз, ресми дереккөздерден тексеруді сұраймыз», — деп жауап берді Жалғасбаев.

Оның айтуынша, қылмыстық іс аясында аталған оқу-жаттығу жиындары Алматыда өткен. Ал ұсталған экс-басшы клубтың бұрынғы жетекшісі Ержан Жаңбыров екен.