Қайрат Боранбаевтың бизнес серіктесі ұсталды

Ішкі істер министрлігі NEF Qazaqstan басшысы, Қайрат Боранбаевтың бизнес серіктесі Тарык Волкан Оскайдың ұсталғанын мәлімдеді, деп хабарлайды Orda.kz.

 ІІМ мәліметінше, 51 жастағы NEF Qazaqstan түрік құрылыс холдингінің қазақстандық өкілі алаяқтық фактілерімен ұсталды.

«Күдікті ұсталды. Аталған факті бойынша Алматы полиция департаменті ҚР ҚК-нің 190-бабы 4-бөлігі «Алаяқтық» бойынша сотқа дейінгі тергеу жүргізіп жатыр. Тергеу шеңберінде істің барлық мән-жайларын толықтығын, жан-жақтылығын және объективтілігін қамтамасыз ету үшін шаралар қабылданып жатыр», деп мәлімдеді ІІМ. 

Айта кетейік, осы жылдың көктемінде ІІМ Тарык Волканға іздеу жариялаған болатын.