Электірлі самокаттан 2 адам қаза тауып, 80 адам жарақат алды

Қазақстанда электрлі самокаттардың қатысуымен болған жол-көлік оқиғаларында 2 адам қаза тауып, 80 адам жарақат алды.

Бұл туралы брифингте ІІМ әкімшілік полиция комитетінің ерекше тапсырмалар жөніндегі аға инспекторы Ақтоты Боранова хабарлады.

«Республика бойынша бүгінгі күні электрлі самокаттардың қатысуымен жалпы саны 82 жол-көлік оқиғасы тіркелді. Салдарынан екі адам көз жұмды, тағы 80 адам жарақат алды», - деді Боранова.

Сонымен қатар, аға испектрдың айтуынша, самокат басқарған 26 мыңнан астам адам әкімшілік жауапкершілікке тартылды.

Еске сала кетейік, бүған дейін электрлі самокаттарды жалға беруге тыйым салу туралы петиция жарияланған болатын.