Израиль Иран генералы Хосейн Саламидің көзін жойды

Израиль Тегеранға әуе соққысын жасап, Ислам революциясын қорғаушылар корпусындағы (КСИР) жоғары шенді офицер мен ядролық физиктер қаза тауып, мұнай бағасы көтеріле бастады, деп хабарлайды Orda.kz.

Әуе соққылары Тегеранның маңындағы кем дегенде алты әскери нысанға, соның ішінде жоғары лауазымды әскерилер мен ғалымдар тұрып жатқан тұрғын үй кешендеріне жасалды.

Ирандық БАҚ мәліметіне сәйкес, соққы кезінде Ислам революциясын қорғаушылар корпусының (КСИР) командирі генерал Хосейн Салами қаза тауып, Tasnim мәліметі бойынша, сонымен қатар екі ядролық физиктің де өмірі қиылыпты. Сонымен қатар, бейбіт тұрғындар арасында да құрбандар бар деген мәлімет кездеседі.

Израильде төтенше жағдай жарияланып, резервтегілер әскерге шақырылып жатыр.

Шиеленістің өршуіне байланысты мұнайдың әлемдік нарықтағы бағасы да көтеріліп кетті. Brent маркалы мұнайдың фьючерстері сәуір айының басынан бері ең жоғары деңгейге жетіп, баррелі 75,3 доллар болды.

ЦАХАЛ шабуылын Иранның жақын күндері ядролық қару жасауға қажет материалдың жеткілікті болуы мүмкіндігімен түсіндірді.

Шабуыл кезінде бірқатар әскери командир және Ислам революциясын қорғаушылар корпусының бас қолбасшысы қаза тауыпты деген мәлімет бар.