Ірі алаяқтық жасады деп айыпталған қазақстандық БАӘ-ден қайтарылды

20 желтоқсанда ірі алаяқтық жасағаны үшін Интерпол іздеуінде жүрген 37 жастағы ер адам Біріккен Араб Әмірліктерінен Қазақстанға депортацияланды, деп хабарлайды Orda.kz.

Ішкі істер министрлігінің мәліметінше, күдікті 2020-2021 жылдар аралығында ақшалай сыйақы үшін мемлекеттік органдарға жұмысқа орналасуға көмектесуге уәде еткен. Ол қомақты қаржы алып, елден кетіп қалған.

Биылғы жылдың қаңтар айында Интерполға жіберілген Ішкі істер министрлігінің сұрауы бойынша ол Дубайда ұсталды. БАӘ құқық қорғау органдары оны экстрадициялау туралы шешім қабылдады. 

«Қазіргі уақытта ұсталған азамат ІІМ қызметкерлерімен уақытша ұстау абақтысына қамалды» делінген хабарламада.