Ғани Майлыбаев Алматы облысы әкімінің орынбасары болып тағайындалды

Алматы қаласының бұрынғы мәдениет басқармасының басшысы Ғани Майлыбаев Алматы облысы әкімінің орынбасары болды, деп хабарлайды Orda.kz.

Ғани Айдарұлы 1987 жылы дүниеге келген. 2008 жылы Абай атындағы Қазақ ұлттық педагогикалық университетін «Қаржы» мамандығы бойынша тәмамдады. 2010 жылы осы оқу орнында «Құқық және экономика негіздері» мамандығы бойынша магистр дәрежесін алды. 2018 жылы Ресей Федерациясы Президенті жанындағы Ресей халық шаруашылығы және мемлекеттік қызмет академиясын «Өңірлік және муниципалдық басқару» мамандығы бойынша аяқтады.

Еңбек жолын 2008 жылы «Нұр Отан» партиясының Алматы қалалық филиалында бастаған, Бостандық аудандық филиалының есеп және статистика секторының меңгерушісі болып қызмет атқарды.

2020 жылы Алматы қаласы мәдениет басқармасының басшысы қызметіне тағайындалды.