Есірткі өсімдігін өсірген алқап табылды

Іле ауданы аумағында құрамында есірткі заттары бар деп есептелетін өсімдіктер өсірілген алқап табылды.

Бұл туралы ішкі істер министрлігі хабарлады.

 Бұл өсімдіктерге өте жақсы күтім жасалыпты. Бұнымен олардың арнайы өсірілгені анықталып отыр.

«Сараптама тәркіленген жалпы салмағы 12 тонна 700 келі болатын 7 830 түп қарасора өсімдігінде есірткі заты бар екенін растады. Құрамында есірткі заттары бар тыйым салынған өсімдіктерді заңсыз өсіру фактісі бойынша қылмыстық іс қозғалды», — деді облыстық есірткі қылмысына қарсы күрес басқармасының басшысы Ардақ Қайсаров.

Өсімдіктер арнайы техниканың көмегімен тамырымен жұлынып, тапсырыс бойынша жойылды.