Ел ішіндегі қаһармандар: Талдықорғанда жігіттер бір отбасын өрттен құтқарды

Талдықорғанда 17 және 19 жастағы екі бозбала жанып жатқан үйден адамдарды құтқарып, адам сенгісіз жанқиярлық танытты, деп хабарлайды Orda.kz.

Олар көшеден өтіп бара жатып өртке оранған жеке үйді байқап қалған. Жастар тез арада бейқам жатқан үй ішіндегі адамдарды оятып, бірінен соң бірін үйден шығарған.

Осы кезде төтенше жағдайлар қызметі – өрт сөндірушілер мен жедел жәрдем шақырылды. Олардың шапшаңдығы мен батылдығының арқасында қайғылы жағдай болмады.

Жігіттерді  күйік шалып, алғашқы медициналық көмек көрсетілді. Олар ауруханаға жатудан бас тартты. Қара басын ойламай, жанып жатқан үйге кіріп, адамдарды құтқарған бозбалалардың ерлігі жұртты сүйсіндірді.