Екібастұз ГРЭС-2-ні жаңғырту кезінде миллиард теңгеге жуық қаржы ұрланған

Бас прокуратура Екібастұздағы жылу электр орталығын тексеру қорытындысын жариялады.

«Екібастұз ГРЭС-2» АҚ-да жүргізілген тексеру барысында ақша жымқыру фактілері анықталды, бұл қаражат ЖЭО-ны үшінші энергоблокты орнату арқылы кеңейту және қайта жаңғыртуға арналған» деді Павлодар облысының прокуроры.

Ұрланған ақшаның жалпы сомасы миллиард теңгеге жуықтаған.

«Қылмыстың барлық мән-жайларын, келтірілген залалдың түпкілікті мөлшерін және ұрлыққа қатысы бар тұлғаларды анықтауға бағытталған жедел-іздестіру шаралары жүргізілуде» деп толықтырды қадағалау органы.

Сотқа дейінгі тергеу Қылмыстық кодексінің 189-бабы (Аса ірі көлемдегі мүлікті ұрлау) бойынша жүргізілуде.