ЕАЭО елдері арасында Қазақстанның инфляция деңгейі ең жоғары

Жалпы, ЕАЭО-да инфляцияның үдеуі биылғы жылдың бірінші тоқсанында 2%-ды, ал бір жылда 7,5% болды.

Қазақстан Еуразиялық экономикалық одақтың барлық елдері арасында инфляция өсімі бойынша рекордшы болды. Еуразиялық экономикалық комиссияның баяндамасында айтылғандай, жыл басынан бері елімізде азық-түлік тауарлары 2,5 пайызға, азық-түлік емес тауарлар 1,7 пайызға, ақылы қызметтер 3,6 пайызға қымбаттаған.

Ұлттық статистика басқармасының мәліметінше, наурызда ақпан айымен салыстырғанда жылдық инфляция 9,1%-ға баяулады. Жылдық мәнде ақылы қызмет көрсету құны 13,2%-ға, азық-түлік емес тауарлар – 8,2%-ға, азық-түлік тауарлары – 6,9%-ға өсті.