Дубай шоколадының контрабандасы енді Еуропаны шулатып жатыр

Германиямен шекарада 13 мың дана контрабандалық Дубай шоколады тиелген жүк көлігі ұсталды, - деп хабарлайды Orda.kz сайты Bild басылымына сілтеме жасап.

Неміс кеденшілері Чехиямен шекарада ірі көлемде контрабандалық шоколад тиелген жүк көлігін тоқтатқаны хабарланды. Көлік ішінен олар Дубайдың танымал әуес тәттісінің 13 000-ға жуық данасын, сондай-ақ контрафактілік брендтік тауарларды - киім-кешек, сағаттар мен аяқ киімдерді тапқан.

«Жүргізуші, Швеция азаматы, тауарларды Болгарияда жүктегенін айтты, бірақ оның кабинасынан тауарларды сатып алғанын растайтын құжаттар табылды, егер ол өнімді ресми түрде әкелсе, ол кедендік баж салығын төлеуі керек еді - бұл жағдайда тек шоколадтың салығы шамамен 10 000 еуро болады» деп хабарлады Дрезденнің бас кеден басқармасы.

Жүк көлігінде тәттілерден бөлек 650 қорап бал болғаны хабарланды. Нәтижесінде жүргізушіге салық төлеуден жалтарды және кеден заңнамасын бұзды деген айып тағылып, бірнеше іс қозғалды.

Естеріңізге сала кетейік, жаңғақ пастасы қосылған Дубай шоколады Еуропада нағыз трендке айналды. Бір шоколадтың құны 15 еуродан асады, ал тапшы өнімге қашан да сұраныс жоғары еені белгілі.