Депутат ШҚО-дағы су тасқыны жайлы айтты

Мәжіліс депутаты ШҚО-дағы су тасқыны жағдайының ауыр екенін айтты, деп хабарлайды Orda.kz порталы.

Бұл туралы депутат өзінің әлеуметтік желідегі парақшасында жариялаған.

«Міне, елде жүрміз,  Ерлан Сайыров екеуміз бес ауданды аралап өттік, жағдай алаңдатарлық, ол табиғат, қарсы тұру мүмкін емес. Бірақ елдегі азаматтар, бауырлар керемет тасқынға қарсы тұрып, елін, жерін топан суға бермей, бір қолдан жең шығарып, төтеп тұр» делінген жазбада.  

Депутаттың айтуынша, тасқын суды бөгемеу үшін облыстық маңызы бар Ақсуат-Бәкей-Қарасу-Ақжар тас жолының бөлігі кесіліп, жолдың келесі бетіне өткізіліп жатыр. 

Депутат облыстағы жағдай тұрақталғанша Шығыс Қазақстанда болатынын атап өтті.