Дағдарысқа қарсы бюджетте 355 млрд теңгелік заң бұзушылық бар

2020 жылы дағдарысқа қарсы шараларға бөлінген 6,9 трлн теңгенің 355 млрд теңгесі заң бұзушылықтар арқылы игерілгені анықтады.

Бұл туралы Orda.kz Есеп комитетіне сілтеме жасап хабарлады.

Сенаттың жалпы отырысы кезінде Есеп комитетінің төрайымы Наталья Годунова заң бұзушылықтар туралы айтты.

– Дағдарысқа қарсы қаражатты пайдалану туралы сұрақтар да бар. 6,9 трлн теңгенің 4,5 трлн-ы тексерілді. Оның 2 трлн-ы аудиттелген. 355 млрд-қа заң бұзушылықтар анықталды, тағы 243 млрд жоспарлау кезінде үкіметпен бірлескен жұмыс барысында қайта бөлінді, - деді Годунова.

Үкімет жұмыссыздықты 4,9% деңгейінде ұстап тұрса да, бастапқыда жұмыспен қамтылуға кететін шығындардың едәуір бөлігі уақытша жұмыс орындарын құруға бағытталды, мұнда орташа жұмыс уақыты бір-үш айды құрады.

Алайда, Годунованың айтуынша, үкімет «мемлекеттік ресурстарды босқа ысыраптамауға мүмкіндік беретін» қажетті шаралар мен белгіленген талаптарды қабылдады.