БҚО-да аңшылар 4 мыңнан астам киік аулады

БҚО-да 1 шілдеден бері 4 мыңнан астам киік ауланды, деп хабарлайды Orda.kz.

Мамандар 1 айда ауланған жануардың саны аз екенін айтады. Олардың айтуынша, аңшылар киік аулауға салғырттық танытып жатқан көрінеді.

Киік етін жеткізу мақсатында 7 кәсіпорынмен келісім бар. Бірақ қазіргі таңда киік еті тек бесеуіне ғана жеткізіліп жатыр. Сонымен қатар еттен консерві жасау жоспарланған еді. Алайда шикізаттың жетіспеуіне байланысты комбинат етті қалбырда бұқтыруға әлі кіріспеді. Бүгінде 5 бригада киік атумен айналысады. 

Айта кетейік, Батыс Қазақстандағы киік популяциясын реттеуге 40-қа жуық маман тартылған. Облыс аумағында киік саны 2,3 млн басқа жеткен. Соның 20% — 460 мың киікке дейін ғана атылады. 1 қыркүйектен бастап киіктерді жаппай тормен аулау басталады. Киік аулау ісі 30 қарашаға дейін жалғасады. 

Еске салайық,  Экология және табиғи ресурстар министрлігі Өзбекстанға киік беру мәселесіне қатысты мәлімдеме жасады.