Бизнесмен Сергей Кан су тасқынынан зардап шеккендерге көмек ретінде 1,5 миллиард теңге жібермекші

Бизнесмен Сергей Кан су тасқынынан зардап шеккендерге көмек ретінде 1,5 миллиард теңге бөледі, деп хабарлайды Orda.kz порталы.

Қаражат шұғыл көмек көрсетуге, сондай-ақ төтенше жағдай салдарынан тұрғын үйлері зақымданған немесе қираған азаматтарымызға инфрақұрылымды қалпына келтіру және тұрғын үй салу шараларын жүргізуге бағытталады.

«Бүкіл Қазақстан су тасқынынан зардап шеккен аймақтардағы өмірдің тезірек жақсаруы үшін қолдан келгеннің бәрін жасап жатыр. Бірқатар елді мекендерде құтқарушылармен, әскерилермен, еріктілермен, қоғам белсенділерімен бірге біздің серіктестіктердің жедел бригадалары тәулік бойы қызмет көрсетеді. Техникалық көмектен бөлек, Мемлекет басшысының үндеуін қолдап, су тасқыны зардаптарын жоюға қаражат жібереміз. Біз үйлерін тастап кетуге мәжбүр болған және үй құлауынан зардап шеккендердің барлығына шын жүректен көңіл білдіреміз», - деді Сергей Кан.