Бишімбаевтың адвокаты судьяға айып тақты

Қорғаушы Ерлан Ғазымжанов апелляциялық шағымда судья Айжан Құлбаеваның Қуандық Бишімбаевты бопсалап, түрмемен қорқытқанын айтты.

Сондай-ақ, 15 жылдан артық бас бостандығынан айыру жайлы шешімді сот алқаларынан 8 адам дауыс беру арқылы шешуге міндетті екенін жеткізді. Ал Бишімбаевты 24 жылға бас бостандығынан айыру жайлы шешімге 8 адам дауыс бергені жайлы анықтама көрсетілмегенін, сот үкімі айтылатын кезде ондай дерек айтылмағанын жеткізді. 

Ғазымжанов сот алқаларының іске объективті түрде қарамағанын айтып жатыр. Оның сөзінше, «нөмір 4 сот алқасы» (атын атамады) экспертиза жасаған адамның және Айтбек Амангелдінің instagram парақшаларына жазылды және өз парақшасында оларды «қолдайтын» жазба жариялады. 

Бишімбаевтың қорғаушылары 24 жылға бас бостандығынан айыру туралы үкімді қабылдаған сот отырысында өрескел қателіктер кеткенін айтуда.