Бас прокуратура Qaznews24 авторы мен «Эй, йоу, орыстар» әніне қатысты түсініктеме берді

Бас прокуратура Qaznews24  авторы Темірлан Еңсебекті қолдау үшін жалғыз адамдық пикетпен шыққандардың ұсталуы мен «Эй, йоу, орыстар» әнінің авторларын іздеу салынғанын айтты, деп хабарлайды Orda.kz.

Бас прокурордың орынбасары Ғалымжан Қойгелдиевтің айтуынша, ұсталғандар пикетке шықпас бұрын жергілікті атқару органдарына өтініш жазулары керек еді.

«Пикетке шыққандар жергілікті атқару органдарына өтініш беруі керек еді. Егер рұқсат бермесе, олардың мұндай пикет өткізуге құқығы жоқ. Оларда рұқсат болмағандықтан  ұсталды»,  деді бас прокурордың орынбасары. 

Сонымен қатар, «Эй, йоу, орыстар» әнінің авторын полиция іздеп жатқанын айтты. Қойгелдиевтің айтуынша, Еңсебекке тағылған 174-бап тек араздықты қоздырумен ғана емес, сондай-ақ осы санатқа жататын материалдарды тарату бойынша да жауапкершілік жүктейді

.