Байбазаров Ұлттық экономика министрі қызметінен босатылды

Қазақстан президенті Қасым-Жомарт Тоқаев сенбі, 21 желтоқсанда министрді отставкаға жіберу туралы жарлыққа қол қойды, деп хабарлайды Orda.kz Ақордаға сілтеме жасап.

Байбазаров 2024 жылдың 6 ақпанында ҚР Ұлттық экономика министрлігін басқарды.

Нұрлан Байбазаров 1975 жылы 10 қазанда дүниеге келген. Қазақ мемлекеттік басқару академиясын «Банк ісін ұйымдастыру» мамандығы бойынша бітірген.

Байбазаровтың еңбек өтілі 23 жыл, оның жетеуі «Қазақстанның Даму Банкі» АҚ-да басшылық қызметте болған.

1997-2003 жылдары Қазақстан Республикасы Қаржы министрлігінде жұмыс істеді. 2004-2011 жылдар аралығында «Қазақстан Даму Банкі» АҚ департамент басшысы, инвестициялық жобалар жөніндегі басқарушы директор, «Қазақстан Даму Банкі» АҚ Корпоративтік даму департаментінің директоры қызметтерін атқарған.

2013-2016 жылдары Қазақстан Республикасы Ұлттық экономика министрлігінің Экономика секторларын дамыту департаментін басқарды. Сонымен қатар, осы жылдар ішінде «Қазақстан темір жолы» ҰК» АҚ, «ҚазМұнайГаз Консалтинг» АҚ, «ҚазМұнайГаз» ҰК» АҚ акционерлік қоғамдарында қызмет етті.

2016 жылдан 2022 жылдың қарашасына дейін «Индустриялық даму қоры» АҚ директорлар кеңесінің мүшесі және басқарма төрағасы болды.

2022 жылғы қарашадан 2023 жылғы қазанға дейін – «Қазақстан Даму Банкі» АҚ Басқарма төрағасы.

2023 жылдың қазан айында «Бәйтерек» ҰБХ» АҚ басқарма төрағасы болып тағайындалды. Сол уақытта «Бәйтерек» ҰБХ» АҚ директорлар кеңесінің мүшесі болды. 

2024 жылғы 6 ақпанда Мемлекет басшысының Жарлығымен Қазақстан Республикасы Премьер-Министрінің орынбасары – Ұлттық экономика министрі болып тағайындалды.