Әзірбайжан депутаты ұшақ апатына қатысты Ресейдің кешірім сұрауын талап етті  

Deutsche Welle tелеграм-арнасының мәліметінше, Әзірбайжан депутаты Ресейдің ұшақ апаты үшін кешірім сұрауын талап етті, деп хабарлайды Orda.kz.

«Ұшақ Ресей аумағында, Грозный аспанында атып түсірілді. Мұны жоққа шығару мүмкін емес. Бұл әрекетті жасағандар қылмыстық жауапкершілікке тартылуы керек, өтемақы төленуі тиіс», – деп мәлімдеді Расим Мұсабеков Turan басылымына берген сұхбатында. 

Депутат Әзірбайжан мәжілісінің халықаралық қатынастар және парламентаралық байланыстар жөніндегі комитетінің мүшесі. Сонымен қатар, Мұсабековтың айтуынша, Ресейде біреулер осы оқиғаның «ізін жасыруға» тырысып жатыр, бірақ егер кешірім сұралмаса, Баку мен Мәскеу арасындағы қарым-қатынас «басқа деңгейге» ауысуы мүмкін.