Қазақстаннан Түркияға ұшатын рейстер саны екі есеге қысқарады

26 сәуірден бастап Қазақстан мен Түркия арасындағы рейстер саны екі есеге қысқарады, деп хабарлады Orda.kz.

– Ведомствоаралық комиссияның 2021 жылғы 14 сәуірдегі хаттамасына сәйкес, Қазақстан мен Түркия арасындағы рейстердің жалпы саны аптасына 20-дан тоғыз рейске дейін қысқарады, - деп мәлімдеді ҚР Индустрия және инфрақұрылымды дамыту министрлігі.

26 сәуірге дейін елдер арасында аптасына 20 рейс жеті бағыт бойынша орындалады:

• Нұр-Сұлтан - Стамбул – 2 рейс
• Нұр-Сұлтан - Анталия – 1 рейс
• Алматы - Стамбул – 7 рейс
• Алматы - Анталия – 5 рейс
• Түркістан - Стамбул – 2 рейс
• Ақтау - Стамбул -1 рейс
• Шымкент - Стамбул – 2 рейс

26 сәуірден бастап келесі бағыттар қалады:

• Нұр-Сұлтан - Стамбул – 2 рейс
• Алматы - Стамбул – 3 рейс
• Алматы - Анталия – 2 рейс
• Түркістан - Стамбул – 1 рейс
• Шымкент - Стамбул – 1 рейс

Ұшу күндерін әуе компанияларының веб-сайттарынан табуға болады.

Шектеу шаралары қашанға дейін болатыны белгісіз, барлығы Түркиядағы эпидемиологиялық жағдайдың жақсаруына байланысты.