Қазақстан баспасөз бостандығы бойынша 155-ші орында

«Репортеры без границ» жыл сайынғы Дүниежүзілік медиа еркіндік индексін жариялады.

Бұл туралы Orda.kz хабарлады.

ТМД елдерінің ішінде Қазақстанды Ресей - 150 орын, Украина - 97 орын, Молдова - 89 орын, Қырғызстан - 79 орын, Армения - 63 орын, Грузия - 60 орын, Литва - 28 орын, Латвия - 22 орын, Эстония - 15 орын басып озды.

Баспасөз бостандығының жағдайы Қазақстанға қарағанда Өзбекстанда - 157, Беларуссияда - 158, Тәжікстанда - 162, Әзірбайжанда - 167 және Түркіменстанда – 178 нашар.

Норвегия, Финляндия, Швеция, Дания, Коста-Рика рейтингтің алғашқы бестігінде.

Рейтингтің соңында Джибути, Қытай, Түркіменстан, Солтүстік Корея және Эритрея орналасқан.

Журналистердің жұмысы әлемнің 132 елінде қиын: 73 елде «күрделі», 59 елде «қиын». Бұл елдердегі журналистика «қиын», тіпті «өте қауіпті» жағдайда, ал бұқаралық ақпарат құралдарының жұмысы «проблемалық» болып саналады.

Атап айтқанда, журналистер «пандемияға байланысты денсаулық дағдарысы салдарынан немесе оны сылтауратып, ақпаратқа қол жетімділікті жабу» жағдайына тап болды. Бұқаралық ақпарат құралдары үшін, әсіресе Азия, Таяу Шығыс және Еуропа елдерінде нәзік тақырыптарды зерттеу және жариялау қиынға соғады.

Қазір зерттелген 180 елдің тек 12-сі (7%) қолайлы ақпараттық орта құрды.

Баспасөз бостандығының ең қолайлы индикаторлары бар континенттер Еуропа мен Америка (Солтүстік және Оңтүстік) болып қалды.