Ауқым жинау немесе құрмет: «Интер» қазақ тілінде жазба жариялады

Миландық «Интер» клубы өзің Instagram парақшасында қазақша әнмен және қазақ тілінде жазба жариялап, көрерменнің қызығушылығын тудырды, деп хабарлайды Orda.kz.

Алматының «Қайрат» футбол клубы Чемпиондар лигасында миландық «Интер» командасына қарсы ойнайды. Матч 5 қарашадан 6 қарашаға қараған түнде өтеді. Осыған орай «Интер» Instagram парақшасына әнші BayanSulu орындауындағы «Aua rai» әні естілетін пост жариялап, қазақша жазба қалдырған.

Жазбада кезінде «Интер» үшін өнер көрсеткен, қазіргі уақытта «Атлетико Мадрид» бас бапкері Диего Симеоненің жас кезіндегі «Миланға» салған голы көрсетілген.

«Simeone derbide naqtylyq pen qabiletke toly gól soqty. Osyndai kontent úshin follaı bas(Симеоне дербиде нақтылық пен қабілетке толы гол соқты. Осындай контент үшін — «follow» бас)», — деп жазылған «Интер» парақшасындағы жазбада.

Посттың астына қазақстандық қолданушылар әртүрлі пікір қалдырған. Бірі: «Бауырсақ-пицца бір туған» деп жазса, бірі: «Бәрі біледі: қазақтармен белсенділік арттыру оңай, Трамптан көрген ғой» деп жазған.

Еске сала кетейік, бұған дейін Orda.kz жасанды интеллекттің әлеуметтік желідегі жазбаларды әдетте неліктен қате аударатынын талдап жазған еді.