Асыранды балаларына ит-мысықтың етін жегізген емші Смановқа сот үкімі шықты

Шымкентте алты баланы асырап алып, оларды азаптады деп айыпталған «емшіге» қатысты сот үкімі жарияланды, деп хабарлайды Orda.kz.

Otyrar.kz мәліметінше, сот шешімі бойынша айыпталушы Ұлыбек Сманов мәжбүрлі емдеуге жіберілді. Сараптама қорытындысы оның созылмалы психикалық дертке шалдыққанын көрсетті.

Оның жұбайына қатысты іс те тоқтатылды. Полиция әйелдің әрекеттерінен қылмыстық құрам табылмағанын мәлімдеді. 2024 жылы балалар Шымкент, Алматы және Астана қалаларындағы балалар үйлеріне қайтарылып, мемлекеттің қамқорлығына берілді.

Еске сала кетейік, 2024 жылдың шілде айында әйелдер мен балалар құқығын жиі көтеріп жүрген «НеМолчи.kz» қорының жетекшісі Дина Смаилова тек Смановты ғана емес оның әйелін де жауапқа тарту керек екенін айтқан еді.