Астанада жеке тұрғын үйдегі өрттен төрт бала қаза тапты

Астанада жеке үйдегі өрттен төрт бала қаза тапты, деп хабарлайды Orda.kz  қалалық төтенше жағдайлар департаменті баспасөз қызметіне сілтеме жасап.

Хабарланғандай, бүгін таңертең Астанада жекеменшік екі қабатты тұрғын үйдің шатыры өртеніп, жартылай опырылған. Алдын ала мәліметтерге сәйкес, өрт 500 шаршы метр аумақта сөндірілді.

Себептері анықталуда. Сот-медициналық сараптама тағайындалды. Оқиға орнында өртті зерттеу зертханасы жұмыс істеп жатқаны, зардап шеккендердің туыстарына Астана қаласының Апат медицинасы және төтенше жағдайлар орталығының психологтары көмектесіп жатқаны атап өтілді.