Астана әуежайы Орталық Азиядағы ең үздіктердің бірі болып танылды

Астанадағы Нұрсұлтан Назарбаев атындағы халықаралық әуежайы үшінші жыл қатарынан Орталық Азия мен ТМД елдеріндегі «ең үздік өңірлік әуежай» деп танылды.

Бұл туралы жыл сайын әлемнің үздік әуежайлары рейтингін жариялайтын ықпалды британдық Skytrax компаниясының сарапшылары мәлімдеді.

Skytrax мәліметтері бойынша, 2024 жылы Астана әуежайы «аймақтық әуежайлар арасындағы ең үздік» мәртебесін сақтап қалды, бірақ әлі де Баку әуежайына жетпейді. Баку әуежайы екі номинация бойынша – «Орталық Азия мен ТМД-дағы үздік әуежай» және «Орталық Азия мен ТМД-дағы қызмет көрсетудің ең жоғары сапасы» номинациялары бойынша жеңімпаз атанды.

Қазақстанның басқа әуежайлары мұндай мақтауға ие бола алмады, дегенмен олардың екеуі – Алматы мен Атырау «ең жақсы аймақтық» бестікке кіреді.

Skytrax – әуекомпаниялар мен әуежайлар көрсететін қызметтердің сапасын зерттеуге маманданған британдық консалтингтік компания. Skytrax рейтингін 2012 жылдан бері жариялап келеді. 2024 жылы Дохадағы (Катар) Хамад халықаралық әуежайы бірінші орынды және әлемнің үздік атағын алды.