«Артында 4 перзент қалды»: Ер адам келіншегін қорада балталап өлтірді

cover Фото: freepik.com

Қырғызстанда ер адам келіншегін қорада балталап өлтірген, деп хабарлайды Orda.kz.

Жергілікті басылымдардың мәліметінше, қайғылы оқиға Ош облысының Жылалды ауылында болған. Марқұмның туыстары күйеу баланың өмір бойына бас бостандығынан айырылғанын талап етіп отыр.  «Тұрмыс» басылымына марқұмның анасы сұхбат берді. Анасының айтуынша, әйелді «қызың ауырып қалды»  деп шақыртқан. Бірақ үйге келгенде есік алды мен арықтың қанға толы екенін көрген. 

Қаза болған келіншек 4 баланың анасы екен. 28 жастағы марқұмның 1 жастан енді асқан баласы бар көрінеді.

«Қызым өлгенде омырауынан сүт ағып жатты. Жарқыраған қызымды жарты сағатта өлтіріп тыныпты. 2 ғана қызым бар. Әкесі бұл жағдайды есітіп, ауруханада жатыр», - дейді марқұмның анасы.


Жаңалықтар

барлық жаңалықтар