Алматылықтарға «президенттік хабарлама» келеді

17 қазанда алматылықтар iPhone ұялы телефондарына «президенттік хабарлама» алады, деп хабарлайды Orda.kz.

Алматыда Mass Alert төтенше хабарландыру жүйесінің кезекті тестілеуі өтеді. Бұл жолы хабарламаларды iPhone қолданушылары алады.

«Тестік хабарлама «Президенттік хабарлама» немесе «Ұлттық хабарлама» деген белгілермен келеді. Мұндай атаулар халықаралық ерекшелікке сәйкес барлық телефондарда төтенше хабарландырулар іске қосылған кезде қолданылады»,  деп түсіндірді Алматы әкімдігі.

Сонымен қатар, қала әкімшілігі хабарлама алу үшін iOS 18 нұсқасына дейін жаңарту қажет екенін ескертті. Ал Android операциялық жүйесі бар құрылғылар 31 мамырда сынақтан өткізілген болатын.