Алматыда студенттерді алдап келген жігіт ұсталды

Алматыда ЖОО студенттерін алдап келген жігіт құрықталды, деп хабарлайды Orda.kz порталы.

Марат (ред) есімді азамат бірқатар алаяқтық жасады деген күдікке ілінді.

«Жас жігіт Алматыдағы жоғары оқу орындарының бірінің ақылы бөлімінің студенттеріне 2 млн теңгеге бюджеттік бөлімге ауыстыруды ұсынған. Тергеу барысында күдіктінің осыған ұқсас төрт қылмысқа қатысы бары анықталды. Зардап шеккендер бұдан да көп болуы мүмкін, сондықтан осыған ұқсас алаяқтықтың құрбаны болған азаматтарды мына телефондар арқылы хабарласуға шақырамыз: 8-701-233-47-90; 8-747-700-00-72 және 8-778-677-67-65», – деді Бостандық аудандық полиция басқармасының бастығы Мақсат Қанапяев

ҚР ҚК-нің 201-бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.