Алматыда лифт ішінде балаларды ұрған ер адамға сот үкімі шықты

Әуезов аудандық соты тұрғын үйдің лифтінде балаларға шабуыл жасаған Алматы тұрғынына үкім шығарды, деп хабарлайды Orda.kz.

Соттың баспасөз қызметінің хабарлауынша, оқиға 23 шілде күні кешкі уақытта болған. Н.-ның пәтерінің есігін қаққан балалар одан лифте жасырынбақ болған. Пәтер иесі олардың артынан лифтке жүгіріп кіріп, аяқтарынан ұрған.

Ер адам өз кінәсін мойындап, өкінді. Сот Н.-ны кінәлі деп танып, 100 сағат қоғамдық жұмысқа тарту туралы үкім шығарды.

Сот жаза тағайындау кезінде кінәсін мойындау, бұрын соттылығының болмауы сияқты жауаптылықты жеңілдететін мән-жайларды ескерді. Ешқандай ауырлататын мән-жайлар анықталған жоқ.

Үкім заңды күшіне енген жоқ.