Алматы облысында полиция формасын киген мас ер адам ұсталды

Талғардағы дүкендердің бірінде мас полицей байқалды. Алғашында ер адам форманы досынан алғанын айтқан.

Ал өзін видеоға түсіріп жатқанын байқаған ол өтіп бара жатқан адамның телефонын тартып алмақ болып, соңынан мүлде қашып кеткен.

Полицейлер форма киген ер адамның оларға еш қатысы жоқ деп сендірді.

«38 жастағы жергілікті тұрғын анықталып, ол жанармай құю бекеттерінің біріне полиция формасымен келгенін мойындады. Жауап алу кезінде жігіт арнайы форманы әскери дүкендердің бірінен сатып алғанын түсіндірді. Мұндай әрекеттер қызметтік міндеттерін адал атқаратын ішкі істер органдары қызметкерлерінің беделін түсіреді. Сондықтан мұндай фактілердің жолын кесу қатаң түрде жүргізіледі» деді полицейлер.

Жалған полицей жауапқа тартылады.